“Каштаны ў кішэнях” ад Наталлі Русецкай
Бібліятэчка часопіса «Дзеяслоў» папоўнілася новым выданнем – у «Кнігазборы» выйшаў другі паэтычны зборнік Наталлі Русецкай “Каштаны ў кішэнях”. Паэтка апошнія гады жыве паміж Менскам і Люблінам. Кажа адказны сакратар часопіса “Дзеяслоў” Анатоль Івашчанка:
– Гэта вершы, якія ствараліся ў прасторы паміж Менскам і Люблінам. Гэта шмат у чым падарожныя вершы. На маю думку, «Дзеяслоў» працягвае трымаць паэтычную планку. Думаю, кніжка знойдзе свайго чытача і ў самым хуткім часе будуць прэзентацыі не толькі ў Менску, але яшчэ і на шляху ад Любліна да Менска.
Нягледзячы на тое, што Наталля Русецкая нарадзілася ў Расеі ў Ніжагародскай вобласці, расла і вучылася ў Менску, а стала жыве і працуе ў Любліне, значную частку сваёй даследніцкай і творчай дзейнасці аўтарка прысвячае менавіта беларускай нацыянальнай культуры.
Васіль Кроква, Беларускае Радыё Рацыя
Фота lit-bel.org
Глядзіце таксама
