Актывісты з Беларусі і Украіны выказаліся наконт 9 Траўня
9 траўня па савецкай традыцыі ў Беларусі, Грузіі ды іншых краінах на афіцыйным узроўні адзначаюць Дзень Перамогі. У краінах Еўропы Дзень прымірэння і так званы Дзень Еўропы – гэта 8 траўня.
Актывісты з Беларусі ды Украіны выказаліся наконт 9 траўня і яго адзначэння ў сваіх сем´ях:
– Памяталі, але не адзначалі.
– Дзед быў у палоне, ваяваў. І шмат продкаў загінула падчас вайны. Гэта ўжо традыцыя – адзначаць гэты дзень, згадваць маіх продкаў.
– Як можна адзначаць, калі нават па афіцыйнай версіі 27 мільёнаў трупаў? Гэта што – свята на трупах? Не ўкладваецца ў галаве.
– Сабраліся, выпілі па чарцы, памянулі. Хто не дажыў – памянулі, хто перажыў – так, каб святкаваць, дык гэта нейкае блюзнерства.
– Не адзначалі, не было такой традыцыі. Але мы абавязкова хадзілі на могілкі, абавязкова згадвалі ў сям’і загінулых у гэтай вайне: родных, знаёмых. Але свята ніякага не ладзілі.
У Беларусі і Расеі адбыліся парады і святкаванні на плошчах, а ў Грузіі прынеслі кветкі да савецкіх помнікаў прадстаўнікі ўраду і партыі «Грузінская мара».
Беларускае Радыё Рацыя
