Міністр абароны Латвіі: Калі Украіна прайграе вайну, наступная будзе ў нас
Міністр абароны Латвіі Арціс Пабрыкс заклікаў партнёраў павялічыць падтрымку Украіны, каб потым не прыйшлося абараняцца самім, піша Delfi.
„Украіна зараз ваюе на нашай вайне – і калі яна прайграе, наступная будзе ў нас, за гэта заплацім самі”, – заявіў Пабрыкс. Ён дадаў, што саюзнікі гэтага не зразумелі. Міністр падзякаваў краінам, якія значна падтрымліваюць Украіну — ЗША, Вялікабрытанію, Польшчу, Балтыйскія краіны, Чэхію і краіны Скандынавіі.
Пры гэтым палітык адзначыў, што некаторыя краіны недастаткова добра выконваюць сваю працу, і трэба паспрабаваць як мага лепш. Пабрыкс дадаў, што час ляціць хутка, і Латвіі, нягледзячы на шчодрую падтрымку з боку краін Захаду, патрабуецца яшчэ большая падтрымка – асабліва ЗША.
На гэтым тыдні Пабрыкс заклікаў прадстаўнікоў кангрэса ЗША пашырыць ваенную падтрымку Латвіі, узмацніўшы прысутнасць узброеных сіл у рэгіёне.
Таксама прэм’ер-міністр Славакіі Эдуард Гегер папярэдзіў, што калі Расея пераможа ў вайне ва Украіне, яго краіна стане наступнай.
Фота: Monika Skolimowska/Global Look Press
