Агляд прэсы: хвалі дэмакратыі
Лукашэнка папярэджвае свет аб «вялікай вайне». Пуцін правёў таямнічую сустрэчу на фоне чутак пра аб’яднанне Беларусі і Расеі. У Венгрыі прайшлі пратэсты малога бізнэсу супраць падатковай рэформы. Гішпанія: новы закон аб злачынствах эпохі дыктатара Франка. Падрабязнасці свежых матэрыялаў замежнай прэсы даведаемся ў аглядзе Вольгі Сямашкі.
«Прэзідэнт Беларусі зноў выказаў занепакоенасць тым, што НАТО павялічыла свае выведвальныя палёты і іншыя вайсковыя перамяшчэнні паблізу беларускай тэрыторыі. Лукашэнка папярэдзіў, што працяг ваеннай падтрымкі Ўкраіны Захадам можа выклікаць «буйную вайну», – паведамляе амерыканскае выданне The National Interest.
«Падзеі, якія адбываюцца, абазначаны Лукашэнкам, як рашучыя крокі да «шматпалярнага сусветнага парадку і спынення амерыканскай гегемоніі, падмацаванай нарошчваннем ваеннага ладу, неанацысцкай ідэалогіяй і адкрыта фашысцкімі рэжымамі вакол непрыемных краін». Прэзідэнт Беларусі паўтарыў сваю заклапочанасць, якую раней выказаў міністр абароны Беларусі Віктар Хрэнін, што НАТО павялічыла свае выведвальныя палёты і іншыя вайсковыя перамяшчэнні паблізу беларускай мяжы. Пры гэтым Беларусь, блізкі ваенны саюзнік Расеі, дапамагла ўварванню Расеі ва Украіну 24 лютага, забяспечыла праход і матэрыяльна-тэхнічную падтрымку расейскім войскам, якія наступалі на поўдзень у напрамку Кіева з беларускай тэрыторыі. Раней на гэтым тыдні Інстытут вайны ацаніў , што, нягледзячы на тое, што Лукашэнка імкнецца прадэманстраваць «прынамсі намінальную падтрымку» Уладзіміру Пуціну на фоне ўварвання Расеі, Менск на дадзены момант не плануе пачынаць прамое ваеннае наступленне на Украіну з-за дэстабілізуючых эфектаў, якія такая аперацыя можа выклікаць. Аднак Беларусь, верагодна, працягне прадастаўляць расейскім сілам доступ да сваёй паветранай прасторы і тэрыторыі», – прагназуе амерыканскае выданне.
«Прэзыдэнт Расеі Ўладзімер Пуцін прызначыў апэратыўную нараду з чальцамі Рады бяспекі Расеі, паколькі ходзяць чуткі, што Расея і Беларусь рухаюцца да працэсу аб’яднання. Гэта ўжо другая аператыўная сустрэча Пуціна з Саветам бяспекі ў гэтым месяцы. Апошні раз дзяржаўнае ведамства збіралася 1 ліпеня, калі, паводле Крамля, члены засяродзіліся на «эфектыўнасці абароннай прамысловасці», – паведамляе амерыканскае выданне Newsweek.
„Апошняя сустрэча адбылася больш чым праз чатыры месяцы вайны Пуціна супраць Украіны, якая пачалася ў канцы лютага, і неўзабаве пасля таго, як расейскі лідар аддаў загад аб прыпыненні ўварвання, каб даць сваім войскам адпачыць, «нарасціць сілы» і «павысіць свае баявыя магчымасці». Расейскі лідар быў заняты на гэтым тыдні, бо ён загадаў правесці перастаноўкі ва ўрадзе і падпісаў больш за 60 законапраектаў за адно пасяджэнне ў чацвер.
«Эксперты чакалі, што ў пятніцу Пуцін падчас сустрэчы можа падпісаць «пакт аб аб’яднанні» Расеі, Беларусі і Украіны. Выказвалася меркаванне, што Пуцін выкарыстае для падпісання такога дакумента былога прэзідэнта Украіны Віктара Януковіча. Януковіч уцёк у Расею ў 2014 годзе, у год, калі Пуцін анэксаваў Крым ва Украіны. 2 сакавіка, усяго празь некалькі дзён пасля пачатку вайны, Украінская праўда са спасылкай на прадстаўніка ўкраінскай выведкі заявіла, што Януковіч знаходзіцца ў Беларусі і чакае, калі яго абвесцяць новым прэзідэнтам Украіны, калі Пуцін захопіць сталіцу Кіеў», – канстатуе амерыканскае выданне і працягвае адслочваць мажлівае аб’яднанне Беларусі і Расеі.
Падатковая рэформа, прынятая ў Венгрыі ў паскораным парадку, выклікала абурэнне ў краіне. Умовы для падпадання пад акордны падатак кампаній з нізкай стаўкай падаткаабкладання, так званага «Kata», з верасня будуць больш жорсткімі настолькі, што большасць з прыкладна 450 тысяч чалавек, якіх закране рэформа, не зможа іх выканаць і будзе вымушана плаціць больш падаткаў. У якасці прычыны прыняцця закона ўрад назваў ухіленне ад выплаты падаткаў. Вугорская прэса лічыць гэтую нагоду цалкам надуманай. Венгерская газета Népszava мяркуе, што мішэнню гэтых мер сталі прадпрымальнікі, самазанятыя, і, перш за ўсё, інтэлігенцыя.
«Гэтае рашэнне можна разглядаць як сімвалічнае: першым крокам «урада, які выступае за зніжэнне падаткаў», зразумела, пасля павелічэння сваіх уласных заробкаў, стала рэзкае павышэнне падаткаў. Але насамрэч сітуацыя яшчэ горшая: усім было б лепш, калі б урад проста павялічыў стаўку падаткаабкладання для малога бізнэсу. Аднак, мяркуючы па ўсім, мэта заключалася зусім не ў гэтым, а ў тым, каб зрабіць як мага балюча найперш прадстаўнікам інтэлектуальных прафесій, якія, як мяркуецца, не галасуюць за правых. А таксама максімальна нашкодзіць тым, чые сродкі да існавання да гэтага часу не залежалі наўпрост ад урада: цэламу спектру прафесій ад велакур’ераў да электрыкаў», – падкрэслівае венгерская газета.
Зменены закон аб дэмакратычнай памяці, прыняты Саветам міністраў Гішпаніі год таму, павінен быць канчаткова прыняты Кангрэсам краіны. Такім чынам, услаўленне ваеннага перавароту 1936 года, грамадзянскай вайны, якая рушыла за ім, а таксама саракагадовай дыктатуры Франка, з гэтага часу падлягаюць забароне. Нацыянальная прэса пазітыўна адгукаецца на змены. Гішпанская газета ІnfoLibre адзначае, што новы закон стаў доказам дэмакратычнай сталасці гішпанцаў.
«У выпадку адабрэння парламентам гэта будзе адзін з самых смелых і канструктыўных крокаў, зробленых постканстытуцыйнай Гішпаніяй. Таксама важна, каб ажыццёўлялася фінансавая кампенсацыя для сем’яў ахвяр франкізму, і каб сам рэжым Франка быў абвешчаны злачынным. Гэта стала б прадметам гонару для дэмакратычнай Гішпаніі, якая зараз цалкам інтэграваная ў Еўропу! А ў школах неабходна выкладаць гісторыю грамадзянскай вайны і дыктатуры. Пасля такога доўгага чакання, пасля столькіх перашкод Гішпанія нарэшце можа выйсці ў свет з высока паднятай галавой», – адзначае мясцовая газета.
Агляд сусветнай прэсы падрыхтавала Вольга Сямашка
