Апошнія выходныя ў гэтым годзе будзе курсаваць цягнік па маршруце Беласток-Валілы
23-25 верасня – апошнія выходныя ў гэтым годзе, калі ў Кнышынскую пушчу можна адправіцца цягніком. Завяршаюцца летнія спалучэнні цягнікоў па маршруце Беласток – Валілы, якія карысталіся папулярнасцю сярод турыстаў і раварыстаў.
Маршрут працягласцю амаль 40 кіламетраў праходзіць у асноўным праз лясныя тэрыторыі. Цягнікі па гэтым маршруце запускалі толькі ў выхадныя дні. Па пятніцах цягнік з Беластока адпраўляецца ў 15.20 паводле польскага часу, а па суботах і нядзелях ездзяць два цягнікі – адзін пасля 9.00 і другі пасля 15.00. Па дарозе цягнікі спыняюцца ў Кур’янах, Заезерцах, Жэдні і Сакалі Беластоцкім.
Апошні ў гэтым годзе цягнік з Беластока ў Валілы адправіцца ў наступную пятніцу, 30 верасня.
Беларускае Радыё Рацыя
