Лукашэнка забараніў падвышаць цэны
Аляксандр Лукашэнка распарадзіўся з 6 кастрычніка ўвесці забарону на падвышэнне цэн у краіне. Выключэнні могуць быць, але толькі з дазволу высокіх чыноўнікаў. За парушэнне гэтага распараджэнне Лукашэнка прыстрашыў крымінальнай адказнасцю.
Таксама ствараецца рабочая група на чале з Качанавай, якая будзе займацца пытаннем рэгулявання цэн у краіне.
Лукашэнка таксама папярэдзіў, каб на гэтым фоне не было закрыцця аб’ектаў і спроб адысці з рынку. “Не дай бог нейкая крама сыдзе або яна будзе закрытая, нейкая кантора, забягалаўка і іншыя. Не дай бог яны сыдуць з рынку. Вы за гэта адкажаце”, — папярэдзіў ён. За выкананнем даручэння ён загадаў сачыць найперш генеральнаму пракурору і старшыні Камітэта дзяржкантролю. Першаму віцэ-прэм’еру Снапкову Лукашэнка ўвогуле параіў, лепш “цэны панізіць”.
