МЗС Арменіі: Выказванні Лукашэнкі супярэчаць саюзніцкім і партнёрскім адносінам
У Арменіі пракаментавалі выказванні Аляксандра Лукашэнкі наконт армяна-азербайджанскага канфлікту. Іх не лічаць саюзніцкімі.
„Не лічым дарэчным каментаваць бязладныя, неабгрунтаваныя заявы прэзідэнта Беларусі, якія не маюць нічога агульнага з логікай перамоваў, а таксама не з’яўляюцца саюзніцкімі і партнёрскімі, ставяць пад сумнеў абавязацельствы дзяржавы-ўдзельніцы, падпісаныя ім у рамках АДКБ”, — заявіў прэс-сакратар МЗС. Арменіі Ваган Унанян.
Спікер Нацыянальнага сходу Арменіі Ален Сіманян таксама заявіў, што інвектывы Лукашэнкі 28 кастрычніка не засталіся без адказу Міколы Пашыняна. Пры гэтым Сіманян лічыць, што будзе няправільным абнародаваць гэты відэазапіс. Ад Лукашэнкі чакаюць, што ён скажа на паседжанні Рады калектыўнай бяспекі ў лістападзе ў Ерэване.
«Я не ўбачыў сур’ёзнасці ў выказваннях Лукашэнкі. Баюся, што выказаныя думкі насамрэч не ягоныя. Адказ Мікола Пашыняна прэзідэнту Беларусі Аляксандру Лукашэнку быў, але будзе няправільна, калі мы прадставім гэты відэазапіс грамадскасці. Чакаю, што Лукашэнка выступіць на паседжанні Рады калектыўнай бяспекі АДКБ, якое адбудзецца 23 лістапада ў Ерэване. Я чакаю гэтага», – цытуе News.am Сіманяна.
