Падкасты пра эканоміку з Сяргеем Чалым прызналі экстрэмісцкімі матэрыяламі
Падкаст тэлеканала «Белсат» «Эканоміка з Чалым. Давайце разбірацца», размешчаны на некалькіх стрымінгавых сэрвісах, з’явіўся ў Рэспубліканскім спісе экстрэмісцкіх матэрыялаў на сайце Мінінфарма.
Суд Цэнтральнага раёна Мінска прызнаў падкаст «экстрэмісцкім» разам з матэрыяламі Беларускага расследавальніцкага цэнтра. Падкаст «Эканоміка з Чалым. Давайце разбірацца» знік з сэрвісу «Яндэкс.Музыка», на ўсіх астатніх платформах ён даступны для праслухоўвання.
