Акцыя памяці Рамана Бандарэнкі ў Беластоку
Ля Генеральнага консульства Рэспублікі Беларусь у Беластоку прайшла акцыя памяці Рамана Бандарэнкі і ўсіх забітых рэжымам беларусаў.
12-га лістапада мінае два гады з таго дня, калі Раман Бандарэнка выйшаў у свой двор і ніколі ўжо не вярнуўся, таму што быў бязлітасна забіты.
Акцыя праходзіць ля консульства на перайменаванай вуліцы ў гонар Вольнай Беларусі. Агулам сабралася каля паўсотні чалавек.
Усталяваны сімвалічны плот, ідэнтычны таму, што стаяў на Плошчы Перамен у Менску.
На яго ўдзельнікі акцыі вывешваць стужачкі пасля хвіліны маўчання ў памяць аб загінуўшых падчас жнівеньскіх пратэстаў у Менску.
Распачаўся мітынг у памяць аб загінуўшых ахвярах рэжыму Лукашэнкі, вывешаны партрэты забойцаў з ліку сілавікоў Беларусі.
Абвешчана хвіліна маўчання.
Распавядаецца гісторыя плошчы Перман у Менску. Удзельнікі акцыі павязваюць стужачкі.
Працуе вольны мікрафон.
Гучаць успаміны тых, хто быў у Менску ў час дзён забойства і пахавання Рамана Бандарэнкі.
Галоўнае – не губляць гэты дзень, і памятаць пра доўг перамогі за Вольную Беларусь!
Сярод агучаных прапановаў – зладжванне ў Беластоку масавай акцыі Дзяды, як гэта было ў Беларусі напрыканцы 1980-х гадоў. Такая акцыя магла б закрануць як даўнюю традыцыю беларусаў Падляшша, так і памяць пра ахвяраў рэжыму Лукашэнкі.
Гучыць прамова пра важнасць выразу „Я выходжу!” для ўсіх беларусаў свету.
Дадаткова агучана кандыдатка ў Каардынацыйную Раду Наталля Сцепанцова. Мітынг завершаны.
Інсталяцыя з мітынга будзе ўсталявана ля лавы Перамен.
Беларускае Радыё Рацыя, Беласток
