Польскія памежнікі хочуць падоўжыць забарону на набліжэнне да мяжы з Беларуссю
Польская Памежная слкжба хоча падоўжыць забарону набліжацца да польска-беларускай мяжы на Падляшшы на адлегласць менш за дзвесце метраў да канца года.
Рашэнне па гэтым пытанні прымае Падляшскі ваявода, цяперашняя забарона дзейнічае да канца лістапада. „Гэта звязана з працамі па будаўніцтве электроннай агароджы”, паведаміла агенцтву PAP прэс-сакратар Падляшскага аддзела памежнай службы маёр Катажына Здановіч.
Уведзеная 1 ліпеня забарона, якая дзейнічала спачатку да 15 верасня, а затым падоўжаная да 30 лістапада, замяніла больш жорсткія абмежаванні, звязаныя з міграцыйным крызісам на мяжы з Беларуссю. Пастанова Міністэрства ўнутраных спраў і адміністрацыі абгрунтоўвала, што далейшая забарона на знаходжанне на мяжы неабходная, паколькі па-ранейшаму адбываюцца спробы нелегальнага перасячэння мяжы і інцыдэнты ў непасрэднай блізкасці ад мяжы, якія могуць быць выкарыстаныя для эскалацыі працягваецца міграцыйны крызіс.
