Вайна ва Украіне: расейцы атакавалі цэнтр Кіева
294-ы дзень вайны. Прэзідэнт Украіны пракаментаваў ранішнюю атаку расейскіх дронаў.
– Жадаю здароўя. Гэты ранак тэрарысты пачалі з 13 шахедаў, папярэдне ўсе 13 збітыя нашымі ўкраінскімі ПВА. Малайцы! Шаноўныя грамадзяне, дзякуем ПВА і не забываемся на сірэны.
Расейцы атакавалі цэнтр Кіева. Ад рэштак збітых дронаў пацярпелі некалькі будынкаў. Між тым, страты расейскага войска ў асабовым складзе склалі прыблізна 96 000 чалавек. Маюцца на ўвазе параненыя і памерлыя. За суткі лічба вырасла на 740, паведамляе генштаб Украіны.
Беларускае Радыё Рацыя
