„Akute” дасць некалькі канцэртаў у Польшчы і Чэхіі
Вядомы беларускі гурт “Akute” выпраўляецца ў невялікі тур па Цэнтральнай Еўропе і дасць некалькі клубных канцэртаў у Польшчы і Чэхіі. Кажа прадзюсар каманды Уладзімір Булаўскі:
– 24-га – у Варшаве, 25-га – ва Уроцлаве, 26-га – у Празе. Гэта была супольная ініцыятыва – мая і гурта – зрабіць такі невялікі тур. Мы выступалі ў Варшаве ў снежні, кантактаваліся з рознымі цікавымі людзьмі. Яны запрасілі нас у Варшаву з канцэртам. Вось мы і падумалі, што можна яшчэ арганізаваць канцэрт ва Уроцлаве і ў Празе: беларусаў хапае ў кожным з гарадоў.
Летась гурт выдаў свой трэці альбом “Рэальнась і сны”. Дарэчы, у 2010 годзе “Akute” стаў лаўрэатам фестывалю “Басовішча”, якое штогод ладзіцца на Беласточчыне ў Гарадку, з чаго і пачалася зорная кар’ера гурта.
Васіль Кроква, Беларускае Радыё Рацыя
Фота vk.com
Глядзіце таксама
