Расея пахавала газаправоды «Паўночны паток»
Расея запячатае і закансервуе трубаправоды, пашкоджаныя ў выніку выбухаў у канцы верасня, паведамляе Reuters са спасылкай на крыніцы, знаёмыя з сітуацыяй.
«Газпрам» заяўляў, што тэхнічна магчыма адрамантаваць разарваныя трубаправоды. Аднак планаў рамонту і перазапуску ў рэальнасці няма: Масква не бачыць перспектыў паляпшэння стасункаў з Захадам, каб трубы зноў спатрэбіліся для прапампоўкі газу.
Газаправоды «Паўночны паток — 1» і «Паўночны паток — 2», якія каштавалі 17 млрд еўра, могуць ператварыцца проста ў металалом.
«Расея пахавала праект», — сказала агенцтву адна з крыніц.
