Больш за месяц няма лістоў ад палітвязня Міколы Статкевіча
Жонка палітвязня Марына Адамовіч 6 сакавіка паведаміла, што ўжо месяц не адтрымлівае ад мужа лістоў, а 3 сакавіка да Статкевіча не дапусцілі адваката.
З пачатку ліпеня 2022 года — з таго часу, як Мікола Статкевіч пачаў адбываць пакаранне ў Глыбоцкай калоніі — у яго было 23 спагнанні. Як мінімум 9 разоў ён трапляў у ШЫЗА — на тэрміны ад 7 да 10 дзён. Новы год палітвязень сустрэў у ШЫЗА. 25 лютага споўнілася роўна 1000 дзён з моманту затрымання Міколы Статкевіча. З гэтай нагоды дыпламаты Еўразвязу, Чэхіі, Нямеччыны, Фінляндыі, Францыі, Польшчы, Швецыі, Славаччыны і ЗША сустрэліся з Марынай Адамовіч, жонкай палітвязня Міколы Статкевіча, каб выказаць салідарнасць і заклікаць да яго вызвалення.
