Генсек СНГ: Рашэнне аб прымяненні ядзернай зброі Беларусь і РФ будуць прымаць разам
20 гадоў таму
Як заявіў сёння, 30 сакавіка, генеральны сакратар СНД Сяргей Лебедзеў, рашэнне аб прымяненні размешчанай у Беларусі расейскай тактычнай ядзернай зброі будзе прымацца супольна Масквой і Менскам.
«Ужо паведамлена, што там будзе падвойная кнопка. Гэта значыць, рашэнне аб прымяненні ядзернай зброі будзе прымацца дзвюма дзяржавамі. Гэта раз. Па-другое, мы вельмі спадзяемся, што зброю прымяняць не давядзецца», — цытуе Лебедзева ТАСС.
Па версіі Лебедзева, ядзерная зброя размяшчаецца ў Беларусі для забеспячэння бяспекі на фоне ваеннай актыўнасці ля беларускіх меж.
Раней МЗС Беларусі, каментуючы далейшае размяшчэнне расейскай ядзернай зброі, сцвярджала, што яна будзе прысутнічаць у Беларусі „без перадачы Менску кантролю”.
