Міжнародны валютны фонд палепшыў прагноз для беларускай эканомікі
20 гадоў таму
Паводле прагнозу МВФ, ВУП Беларусі сёлета вырасце на 0,7%.
Раней аналітыкі фонду прагназавалі рост па выніках года ў рамках 0,2%. Чарговы прагноз па эканоміцы Беларусі на бліжэйшыя два гады з’явіўся на сайце Міжнароднага валютнага фонду. У ім даюцца больш аптымістычныя прагнозы, чым раней. Напрыклад, у 2024 годзе эканоміка Беларусі, паводле экспертаў МВФ, вырасце на 1,2%.
Інфляцыя ў краіне, як гаворыцца ў прагнозе, сёлета складзе 7,5%, а ў 2024-м — 10%.
Нядаўна свой прагноз па эканамічнай сітуацыі ў Беларусі выпусціў і Сусветны банк. У гэтай установе мяркуюць, што ВУП Беларусі сёлета павялічыцца на 0,6%. Раней Сусветны банк прагназаваў падзенне эканомікі на 2,3%.
Беларускае Радыё Рацыя
