Еўра вырас да максімуму за год у адносінах да даляра
У чацвер, 13 красавіка, еўрапейская валюта паказала самы высокі ўзровень у адносінах да даляра за год. На максімуме курс еўра дасягнуў $1,1067, гэта значыць дадаў 0,63%.
Мінулы раз еўра дэманстраваў максімум у пачатку лютага, калі каштаваў $1,1033.
Як адзначае Bloomberg, еўрапейская валюта ўмацоўваецца ўжо пяць месяцаў запар з прычыны таго, што ФРС ЗША запаволіла павышэнне працэнтных ставак, а Еўрапейскі цэнтрабанк, наадварот, захаваў больш агрэсіўны тэмп.
Каментуючы сітуацыю, кіраўнік аддзела валютнай стратэгіі G10 у Bank of America Афанасіас Вамвакідзіс распавёў, што ўвесь мінулы год быў складаным для еўра. На гэтую валюту негатыўна ўплывалі высокія цэны на энерганосьбіты, узброены канфлікт ва Украіне, лакдаўн у Кітаі і іншыя фактары. Цяпер жа кошты на энерганосьбіты знізіліся, сітуацыя ў Кітаі стабілізавалася, а Еўрапейскі цэнтрабанк настроены дзейнічаць больш жорстка, чым амерыканскі рэгулятар.
У Беларусі па выніках таргоў 13 красавіка еўра дадаў крыху больш за 1 капейку і каштуе даражэй за 3,25 рубля. У той жа час даляр патаннеў на 0,32% да 2,94 рубля.
