Пад украінскія санцыі трапілі 16 буйных беларускіх прадпрыемстваў
Украіна ўвяла санкцыі супраць 200 прадпрыемстваў Беларусі і Расеі. Указ пра гэта падпісаў прэзідэнт Украіны Уладзімір Зяленскі.
Па яго словах, новыя санкцыі працягваюць курс на ізаляцыю і блакаванне расейскай вайсковай прамысловасці. Зяленскі заявіў, што Украіна актыўна працуе па пытаннях санкцый з партнёрамі: каб усе, хто фактычна здзяйсняе гэтую агрэсію, хто дае зброю, боепрыпасы, тэхніку і тэхналогіі ў рукі тэрарыстаў — каб усе яны былі раздушаныя светам”.
У санкцыйны спіс трапілі 16 беларускіх прадпрыемстваў:
„Гомельскі радыёзавод”
ААТ „Магілёўскі металургічны завод”
„Беларускі металургічны завод — кіруючая кампанія холдынгу „Беларуская металургічная кампанія”
„Менскі падшыпнікавы завод”
„БелАЗ”
„Кранавы завод”
ААТ „Гомсельмаш” ды іншыя
Таксама ў „чорны спіс” Украіны трапіла прафсаюзная „пярвічка” Інстытута парашковай металургіі.
„Дзякуй усім, хто дапамагае Украіне ціснуць на Расею за гэтую вайну, а таксама блакаваць спробы дзяржавы-тэрарыста абыходзіць санкцыі”, — дадаў Зяленскі.
