Віктар Швед у Чыжах
У Комплексе школ у вёсцы Чыжы, што на Падляшшы, прайшла аўтарская сустрэча з Віктарам Шведам. Паэт расказаў дзеткам пра сваё прыватнае ды творчае жыццё.
Найбольш плённы сябра Беларускага літаратурнага аб’яднання “Белавежа” прачытаў некалькі сваіх твораў, а таксама паслухаў свае вершы ў выкананні вучняў.
“Чыжы непадалёк маёй роднай вёскі – Мора. Вельмі цешуся з гэтай сустрэчы,” – сказаў паэт Віктар Швед:
– У гэтай школе я выступаю ўжо чацвёрты раз. Я вельмі рэдка выступаю і цешуся, калі з’яўляецца магчымасць паехаць на сустрэчу ў вёску. Тым больш, што гэта мая гміна, і тут былі дзеткі з Мора.
Віктару Шведу сёлета споўнілася 90 гадоў. Арганізатарам сустрэчы ў Чыжах з’яўляецца Беларуская Інтэрнэт-Біблятэка “Камунікат”.
[Not a valid template]
Давід Гайко, Беларускае Радыё Рацыя
Фота аўтара
Глядзіце таксама
