Чым жывуць беларусы ЗША?
Больш культуры, менш палітыкі. Так сталі выглядаць мерапрыемствы, якія апошнім часам праводзяцца ў Злучаных Штатах Амерыкі менавіта на беларускую тэму.
Пра гэта распавёў беларус спадар Васіль. Гэта звязана з стомленасцю людзей, а таксама з большай зацікаўленасцю ўкраінскім накірункам і гуманітарнай дапамогай, – адзначыў ён:
– Я бачу, што ёсць нейкая стомленасць ад палітычных акцэнтаў таму, што на жаль вынік невялікі ад іх. Культурніцкія вельмі цікавыя, туды прыходзяць з дзецьмі, з сем’ямі. Ёсць таксама шэраг дзеячаў беларускай культуры, як музыкі, спевакі ды іншыя, якія могуць завітаць да нас.
Суразмоўца дадаў, што палітычную пазіцыю ў ЗША беларусы зараз выказваюць найперш праз дапамогу іншым людзям. Напрыклад, праз падтрымку беларускіх сем’яў палітвязняў.
Беларускае Радыё Рацыя
