Еўразвяз заклікаў Беларусь спыніць размяшчэнне расейскай ядзернай зброі
Заклік спыніць размяшчэнне расейскай ядзернай зброі ўтрымлівае дакумент, які напярэдадні (29 чэрвеня) ўхвалілі па выніках паседжання Еўрапейскай рады ў Бруселі. Тым часам Беларусь прасоўвае тэзіс, што «тактычная ядзерная зброя – гэта гарантыя, што ваеннага ўварвання ў Беларусь не будзе».
Апускаецца аргумент, што фактычна зараз краіны становіцца мішэнню. Палітычны аналітык Паўлюк Быкоўскі прыгадвае, як раней на гэты аргумент Лукашэнка заяўляў, маўляў, ён даўно знаходзіцца пад прыцэлам і Захад яго не вельмі любіць.
-Супраць яго шмат што быццам бы прадпрымалася. А во цяпер, калі ў яго будзе ядзерная зброя, праўда, яна будзе не ў яго, але не важана, – ніхто нападаць не будзе, ніхто ніякіх каверзаў яму рабіць не будзе. Ці можа ён сам выкарыстоўваць зброю, як дубінку, гэта ўжо вельмі-вельмі непраўдападобна.
Прапаганда працуе ў сваім ключы і пераконвае беларусаў, што ядзерная зброя неабходная. Пра гэта чарговы раз у прапагандысцкім праекце „У тэме” на YouTube-канале БЕЛТА заявіў старшыня Ліберальна-дэмакратычнай партыі Беларусі Алег Гайдукевіч.
-
Фота: скрыншот відэа „Беларусь 1”
Беларускія чыноўнікі паўтараюць тэзісы, якія Аляксандр Лукашэнка агучваў раней:
-Мы бачым, што міжнароднае права знішчана сёння. Ніякіх гарантый, якія раней давалі, яны зараз не дзейнічаюць. Ёсць толькі права моцнага. І адзіны варыянт пазбегнуць вайны, а беларусы не хочуць вайны, – гэта быць моцнымі.
Уладзімір Пуцін заўляў, што 1 ліпеня ў Беларусі скончыцца будаўніцтва сховішча для тактычнай ядзернай зброі. Тады і пачнецца яе актыўнае перамяшчэнне. Па іншых звестках – ядзерныя зарады ўжо ёсць на тэрыторыі Беларусі.
Беларускае Радыё Рацыя
