МЗС Польшчы выказала Беларусі рашучы пратэст з-за інцыдэнту з верталётамі
Часовага паверанага ў справах Беларусі выклікалі ў Міністэрства замежных спраў Польшчы, дзе яму заявілі рашучы пратэст з-за інцыдэнту з беларускімі верталётамі, якія 1 жніўня парушылі паветраную прастору краіны.
Пра гэта расказаў RMF FM намеснік міністра замежных спраў Польшчы Павел Яблонскі. Ён заявіў, што размова з беларускім дыпламатам у МЗС Польшчы была “вельмі кароткай”. Ён таксама падкрэсліў, што беларускаму боку перадалі і іншыя прэтэнзіі. У прыватнасці, Варшава адзначыла зніжэнне ўзроўню бяспекі на мяжы з-за перамяшчэння ў Польшчу краіну наймітаў ПВК “Вагнер”, а таксама з-за нелегальных мігрантаў.
Паводле польскага боку, 1 жніўня адбылося парушэнне паветранай прасторы Польшчы двума беларускімі верталётамі, якія праводзілі вучэнні паблізу мяжы.
Беларускае Радыё Рацыя
