На польска-беларускай мяжы
1 жніўня 154 чалавекі спрабавалі нелегальна трапіць у Польшчу з Беларусі, у тым ліку 38 чалавек павярнулі назад у Беларусь, убачыўшы польскія патрулі, паведамляе strazgraniczna.pl.
Затрыманыя двое памагатых. Выяўленыя пасля нелегальнага перасячэння польска-беларускай мяжы замежнікі з’яўляюцца грамадзянамі 12 розных краін, у тым ліку Ірана, Індыі, Марока, Таджыкістана, Егіпта і Арменіі.
На ўчастку службовай адказнасці памежнай заставы ў Дубічах Царкоўных патрулі паліцыі, якія супрацоўнічалі з памежнай службай, спынялі для праверкі аўтамабілі, у якіх перавозілі людзей, што незаконна перасеклі мяжу. Двух кур’ераў арыштавалі. Грамадзянін Украіны, які перавозіў 3 чалавек (2 грамадзян Егіпта, 1 грамадзянін Сірыі), і грамадзянін Грузіі, які перавозіў 5 чалавек (3 грамадзяне Індыі, 2 грамадзяне Афганістана). Усе замежнікі, якіх перавозілі, перасеклі польска-беларускую мяжу насуперак правілам.
З пачатку 2023 года супрацоўнікі Падляшскага аддзела памежнай аховы затрымалі 409 чалавек, якія займаліся арганізацыяй нелегальных перасячэнняў польска-беларускай мяжы.
Беларускае Радыё Рацыя
