Агляд СМІ
Колькасць памерлых ад хваробы легіянераў у Польшчы ўзрасла да 14. ЗША дадуць знясіленым саюзнікам ва Усходняй Еўропе гранты для пакупкі зброі, а Вялікабрытаніі мае намер пераканаць ЗША і Германію пачаць пастаўляць Кіеву дальнабойнае ўзбраенне. У Румыніі аўтобус з грамадзянамі Украіны патрапіў у ДТЗ, пацярпелі 15 чалавек. Словы папы Рымскага пра веліч Расеі прывялі Кіеў у лютасць. Падрабязнасці ў аглядзе сусветных СМІ ад Антона Разумоўскага.
У Польшчы 14 чалавек памерлі і больш за 150 трапілі ў шпіталь з-за ўспышкі бактэрыяльнай інфекцыі, вядомай як „хвароба легіянераў” у горадзе Жэшуве на паўднёвым усходзе краіны непадалёк ад мяжы з Украінай, піша „Gazetaprawna„. Мясцовыя ўлады правяраюць, ці мог узбуджальнік легіянелёзу трапіць у вадаправод горада.
„Улады хацелі б выключыць некаторыя сцэнары, якія напрошваліся, — сказаў тэлеканалу Polsat прадстаўнік польскіх спецслужбаў Станіслаў Жарын. – Звестак аб наўмысным заражэнні водазабораў няма”.
Раней на гэтым тыдні Жарын пацвердзіў, што ў расследаванні паходжання інфекцыі бяруць удзел супрацоўнікі польскіх спецслужбаў.
ЗША прынялі рашэнне даць сваім саюзнікам ва Усходняй Еўропе гранты для пакупкі ваеннага абсталявання ў амерыканскіх абаронных кампаній. Аб гэтым піша выданне Politico. Як гаворыцца ў артыкуле, Злучаныя Штаты пераходзяць ад аднаразовых паставак зброі Украіне да доўгатэрміновага аснашчэння краін па ўсім усходнім флангу НАТА. „Гэта павінна развеяць некаторыя асцярогі, асабліва ў Прыбалтыйскіх краінах, што яны сталі больш уразлівымі пасля таго, як перадалі так шмат зброі”, – сказана ў публікацыі. Выданне таксама адзначае, што дзяржавы Ўсходняй Еўропы будуць і далей пазбаўляцца ад запасаў савецкай тэхнікі, перадаючы іх Кіеву. Раней прэзідэнт Польшчы Анджэй Дуда заявіў, што рэспубліка тэрмінова мае патрэбу ў папаўненні запасаў ваеннай тэхнікі, бо яна вельмі шмат аддала Украіне.
Тым часам улады Вялікабрытаніі маюць намер на саміце G20 пераканаць ЗША і Германію пачаць пастаўляць Кіеву дальнабойнае ўзбраенне па прыкладзе Лондана і Парыжа, паведамляе брытанская газета Times. „Вялікабрытанія будзе лабіраваць далейшыя абяцанні ваеннай падтрымкі з боку ЗША і Германіі для дапамогі Украіне ў яе контрнаступе”, – піша выданне. Адзначаецца, што такая тактыка Брытаніі злучана з тым, што Злучаныя Штаты і ФРГ, у адрозненне ад Вялікабрытаніі і Францыі, пакуль не вырашаліся даць Кіеву ракеты далёкага радыусу дзеяння па тыпу брытанскіх Storm Shadow і французскіх Scalp. Раней канцлер ФРГ Олаф Шольц заявіў, што ўлады Германіі не будуць прымаць неабдуманых рашэнняў у пытаннях будучых паставак узбраенняў Украіне. Канцлер падкрэсліў у адказ на пытанне аб пастаўках Кіеву дальнабойнай зброі, здольнай дастаць да Масквы, што падобныя рашэнні лёгка не даюцца. 11 жніўня стала вядома, што ўлады ФРГ маюць намер у бліжэйшыя месяцы паставіць ва Украіну дальнабойныя крылатыя ракеты Taurus. Пры гэтым канцлер занепакоены магчымасцю нанясення удараў па тэрыторыі Расеі гэтай зброяй.
Аўтобус з грамадзянамі Украіны на поўнай хуткасці ўрэзаўся ў абмежавальнік вышыні ў румынскім горадзе Невадар, у выніку пацярпелі 15 чалавек, восем з іх былі шпіталізаваны. Пра гэта паведаміла агенцтва Agerpres. Адзначаецца, што ў Невадары адбылося дарожна-транспартнае здарэнне, рэйсавы аўтобус з Украіны на поўнай хуткасці праехаў праз абмежавальнік вышыні, у ім ехалі каля 40 чалавек, у асноўным усе грамадзяне Украіны. Аўтобус вяртаўся ў Кіеў, растлумачылі журналісты.
Палітыкі ва Украіне раскрытыкавалі папу Рымскага Францішка за словы пра „веліч Расеі”, якія ён вымавіў на Усерасейскай сустрэчы каталіцкай моладзі 25 жніўня, піша выданне The Hill.
„Не забывайце сваю спадчыну. Вы спадчыннікі вялікай Расеі, краіны святых, цароў, Пятра I, Кацярыны II, магутнай і асвечанай Расейскай імперыі”, – сказаў на сустрэчы пантыфік. Словы папы Рымскага пра тое, што Расея славіцца сваёй культурай і чалавечнасцю, таксама выклікалі шквал крытыкі ў яго бок з боку Кіева. Так, піша выданне, афіцыйны прадстаўнік МЗС Украіны Алег Нікаленка назваў прамову папы Рымскага „імперыялістычнай прапагандай”.
Пракуратура Берліна спыніла расследаванне ў дачыненні да саліста Rammstein.
У пракуратуры Берліна спынілі расследаванне ў дачыненні да фронтмэна групы Rammstein Ціля Ліндэмана, абвінавачанага ў сексуальных дамагальніцтвах. Пра гэта паведаміла газета Berliner Zeitung. Паводле яе дадзеных, Ліндэман здолеў абвергнуць абвінавачванні ў свой адрас, у выніку ўсе расследаванні супраць яго былі спыненыя. Раней у нямецкіх СМІ сталі з’яўляцца паведамленні аб тым, што некалькі жанчын звярнуліся ў праваахоўныя органы Германіі са скаргамі аб выпадках дамагальніцтваў з боку Ціля Ліндэмана. Адно з іх паступіла ад прыхільніцы гурта. Дзяўчына па імені Шэлбі Лін сцвярджае, што пасля канцэрту Ліндэмана 22 траўня яе запрасілі на закрытую вечарынку, дзе прапанавалі напоі, у якія нібыта былі падмяшаныя наркатычныя рэчывы. Пасля, па словах пацярпелай, музыка прапанаваў ёй уступіць з ім у інтымную сувязь, але атрымаў адмову. Сам лідар Rammstein адмовіўся пракаментаваць гэтыя абвінавачанні.
Беларускае Радыё Рацыя
