Якая будучыня ў Беларусі з Іранам?
Беларусь і Іран праводзяць у Тэгеране пасяджэнне змешанай камісіі па пытаннях эканамічнага супрацоўніцтва.
Пра тое, што візіт не звязаны з вайной у Ізіраілі, а носіць доўгатэрміновы эканамічны характар, распавёў ваенны эксперт Андрэй Кушняроў:
-Стасункі Беларусі з Іранам дастаткова старадаўнія і ў тым ліку па пытанні ўзбраення. Судзячы па ўсім, беларускія сістэмы РЭБ выкарыстоўваюцца Іранам у тым ліку ў яго войнах, якія ён вядзе, а Іран вядзе даволі вялікую колькасць баявых канфліктаў, не наўпрост, а праз сваіх проксі – праз Хезбалу, ХАМАЗ. Таксама з Іранам вяліся перамовы пра магчымае яго залучэнне ў якасці наглядальніка ў АДКБ. Даволі важкі саюзнік для Беларусі не толькі Кітай, не толькі Турцыя, Азербайджан, Расея, але і Іран. Для Беларусі каштоўныя любыя саюзнікі для гэтага рэжыму, да таго ж гэта нафта.
Вядома, што ў беларускую дэлегацыю ў Тэгеран увайшлі прадстаўнікі Мінсельгасхарча, Мінтранса, Міністэрства аховы здароўя, а таксама «Белнафтахіма» і бізнесоўцы. Беларусь у Іран працяглы час пастаўляе калійныя ўгнаенні, «спецыфічныя тавары», лесаматэрыялы, сінтэтычныя ніткі.
Беларускае Радыё Рацыя
Фота з адкрытых крыніц
