Лукашэнка звольніў двух паслоў ва Украіне і Эстоніі
13 гадоў таму
Двух паслоў звольніў Аляксандр Лукашэнка ўказамі ад 19 кастрычніка.
Ігар Сокал вызвалены ад пасады пасла ва Украіне, Вячаслаў Качанаў – ад пасады пасла ў Эстоніі. Першы быў прызначаны 13 чэрвеня 2016 года, другі – 21 чэрвеня 2018-га. Абодва ўжо больш за год не працавалі ў краінах знаходжання. Сокал пакінуў Украіну менш як праз месяц пасля пачатку поўнамаштабнага ўварвання Расеі ў гэтую краіну.
Дарэчы, калі Сокал пакідаў Украіну, украінскі памежнік спрабаваў даць яму мяшочак з сімвалічнымі 30-цю срэбранікамі за здраду Украіны. Той адмовіўся прыняць манеты.
Качанаў быў адкліканы з Таліна „для кансультацый” год таму. Афіцыйны Талін не прызнае Лукашэнку законна абраным прэзідэнтам Беларусі.
Крыніца: „Позірк”
