Польшча правядзе вучэнне ў памежных ваяводствах
13 гадоў таму
Польскае войска ў пятніцу пачне вучэнне ŻUBR-23, якое пройдзе на палігонах і тэрыторыі чатырох ваяводстваў: Падляшскага, Мазавецкага, Люблінскага і Вармінска-Мазурскага.
-
Фота: wojsko-polskie.pl
Як паведамілі ў Галоўным камандаванні відаў Узброеных сіл, мэтай вучэння з’яўляецца ўмацаванне супрацоўніцтва войска з мясцовымі адміністрацыямі, а таксама праверка баяздольнасці падраздзяленняў.
На тэрыторыі чатырох ваяводстваў падчас вучэння будуць перамяшчацца вайскоўцы і тэхніка, таксама ў некаторых месцах абсталююць агнявыя кропкі. У супрацоўніцтве з мясцовымі службамі правядуць праверку сістэмы рэагавання на сітуацыю, сірэн трывогі. Польскае войска будуць падтрымліваць паліцыя і пажарная служба.
