Расея пад украінскай Аўдзееўкай зазнала вялізныя страты
Брытанская ваенная выведка лічыць, што Расея падчас наступу на Аўдзееўку Данецкай вобласці зазнала ці ня самыя высокія страты ў 2023 годзе, паведамляе міністэрства абароны Вялікай Брытаніі ў штодзённым аглядзе сітуацыі ва Украіне.
Паводле брытанскай выведкі, на працягу апошняга тыдня працягваліся цяжкія, але безвыніковыя баі ў раёне Аўдзееўкі, дзе ў сярэдзіне кастрычніка Расея пачала маштабны наступ.
“Верагодна, у гэтым раёне былі сканцэнтраваныя падраздзяленні да васьмі брыгад. Гэтыя часткі, напэўна, панеслі адны з самых высокіх страт у 2023 годзе”, — піша Мінабароны Вялікай Брытаніі.
Страты цяжкай расейскай тэхнікі ў раёне Аўдзееўкі Данецкай вобласці, верагодна, падарвуць наступальныя магчымасці Расеі ў доўгатэрміновай перспектыве, гаворыцца ў чарговым аглядзе амерыканскага Інстытута вывучэння вайны.
„Радыё Свабода”
