Дональд Туск паведаміў, што да калядных святаў ужо будзе новы урад
Пасля выбараў у Польшчы. Дональд Туск прыехаў у Вроцлаў, каб сустрэцца з жыхарамі Ягодна, дзе была самая доўгая чарга ў Польшчы, каб прагаласаваць падчас парламенцкіх выбараў 2023 года.
Лідар дэмакратычнай апазіцыі Дональд Туск запэўніў, што кааліцыя канчаткова сфармаваная.
– Маю надзею, што прэзідэнт гэта пачуе, кааліцыя сфармаваная, у кожным дробным фрагменце. Мы ўсё ўзгаднілі з нашымі партнёрамі.
Дональд Туск таксама адзначыў, што да калядных святаў ужо будзе новы урад.
Нагадаем, што пасля парламенцкіх выбараў у Польшчы 15 кастрычніка, найбольш мандатаў у Сейм здабыла кіруючая партыя Права і Справядлівасць, на другім месцы была Грамадзянская Кааліцыя. Тым не менш Права і Справядлівасць не мае кааліцыйнай здольнасці ў Сейме. Таму большасць мандатаў належыць апазіцыі.
Беларускае Радыё Рацыя
