Cусветная прэса пра Беларусь: На беларускі розум
Міграцыйны крызіс як вынік непаслядоўнасці Захаду. У Беларусі з жорсткімі абмежаваннямі ў веравызнанні дзейнічаюць цэрквы. Ні сцягоў, ні каманд: расейцы і беларусы выйдуць на Алімпіяду-2024 як нейтральныя спартсмены.
Зусім нядаўна на расейска-фінскай мяжы з’явіліся мігранты, якія не маюць ніякіх дакументаў на ўезд у ЕЗ. У той жа час памежныя ўлады Літвы, Латвіі, Польшчы фіксуюць паслабленне напружанасці ў памежных раёнах. «Гэта вынік непаслядоўнасьці Захаду», — паведамляе міжнароднаеі выданне iSANS і разважае пра тое, чаму сітуацыя развіваецца такім чынам і ці можна казаць пра набліжэнне крызісу на мяжы паміж Беларуссю і ЕЗ да канца.
«Калі Фінляндыя абвясціла аб уступленні ў НАТА, сітуацыя для Масквы складвалася не вельмі добра. Расея была аслаблена няўдачамі ва Украіне і ўстрывожаная эканамічнымі санкцыямі. Імкнучыся змякчыць рэакцыю Захаду, краіна пайшла на некаторыя саступкі, напрыклад, заключыўшы хлебную здзелку. За год сітуацыя змянілася: Расея адбіла ўкраінскае контрнаступленне, яе эканоміка ўмацавалася, палепшыліся яе пазіцыі ў Еўропе. Захад змарнаваў добры шанец і не змог націснуць на Пуціна, і цяпер у расейскага лідара з’явілася магчымасць стварыць новыя кропкі напружання. Адной з іх стала Фінляндыя. Больш за два гады межы Польшчы, Літвы, Латвіі (г. зн. чальцоў ЕЗ і NATO) падвяргаюцца шматгадовай гібрыднай атацы, у якой беларускі бок выкарыстоўвае мігрантаў. Пры гэтым нельга казаць пра тое, што паток мігрантаў у Польшчу, Літву, Латвію праз тэрыторыю Беларусі спыніцца.
Расея будзе прыхільная да захавання каналаў міграцыі як праз Фінляндыю, так і праз Беларусь. Акрамя таго, улічваючы, што ён гатовы працягваць міграцыйны крызіс, заставацца гульцом на Блізкім Усходзе вельмі важна для Крамля. Калі мы вернемся на некалькі гадоў назад, то менавіта масавыя бамбардзіроўкі сірыйскіх гарадоў далі пачатак міграцыйнаму крызісу. Лукашэнка і Пуцін не зацікаўлены ва ўсталяванні «жалезнай заслоны», але меры, якія прымаюць заходнія краіны ў адказ на арганізаваную імі міграцыйны крызіс, іх не палохаюць», – канстатуе міжнароднае выданне.
«Заканадаўцы ў Беларусі, якая лічыцца самай рэпрэсіўнай дзяржавай Еўропы, прынялі новы рэлігійны закон, які абмяжоўвае адукацыйную і місіянерскую дзейнасць і патрабуе ад усіх рэлігійных суполак паўторна падаць заяўку на легальны статус», – паведамляе міжнароднае выданне The Church Times.
«У Беларусі ўсе рэлігійныя аб’яднанні павінны будуць на працягу года прывесці ў адпаведнасць свае статуты, падаўшы неабходныя матэрыялы ўладам, якія прымаюць рашэнне аб іх перарэгістрацыі або ліквідацыі. Вядомы рыма-каталік Арцём Ткачук, сацыяльны работнік, цяпер жыве ў суседняй Польшчы, аднак, папярэдзіў, што абмежаванні рэзка паўплываюць на рэлігійныя суполкі, даючы афіцыйным асобам больш шырокія паўнамоцтвы забараняць тым, хто, як лічыцца, парушае слаба акрэсленыя прававыя ўмовы. Дакументацыю могуць не прыняць улады з-за нейкага дробнага недахопу, і гэта, безумоўна, будзе выкарыстоўвацца як інструмент уплыву і кантролю. Падпісаныя заявы бацькоў будуць патрабавацца для дзяцей, якія жадаюць атрымаць рэлігійную адукацыю пад наглядам урада, у той час як пілігрымкі будуць абмежаваныя, а члены-заснавальнікі парафіі будуць пералічаны і адсочвацца. Занепакоенасць законам выказвалі лютэране, рымскія каталікі, баптысты і мусульмане. Толькі тры святары былі арыштаваныя ў мінулым месяцы па абвінавачванні ў экстрэмізме і дзяржаўнай здрадзе, а баптысцкі пастар Васіль Трубчык быў затрыманы ў Гародні на захадзе краіны ў пятніцу за публічную крытыку вайны ва Украіне», – падкрэслівае брытанскае выданне.
Міжнародны алімпійскі камітэт абвясціў, што расейскія і беларускія спартсмены, якія адпавядаюць кваліфікацыйным крытэрам міжнародных федэрацый, атрымаюць магчымасць удзельнічаць у Алімпійскіх гульнях 2024 года ў Парыжы ў якасці індывідуальных нейтральных спартсменаў без нацыянальнай прыналежнасці. «Расейскія і беларускія спартсмены будуць дапушчаныя да ўдзелу ў Алімпійскіх гульнях 2024 года ў Парыжы ў нейтральным статусе», – піша міжнародная служба ўкраінскага выдання Euromaidanpress.
«Такім чынам, расейскія і беларускія спартсмены не будуць прадстаўляць свае краіны і не змогуць выступаць камандамі на Алімпійскіх гульнях наступным летам. XXXIII Алімпійскія гульні пройдуць у Парыжы (Францыя) з 26 ліпеня па 11 жніўня 2024 года. На гэты момант на Алімпійскія гульні ў Парыжы ўжо адабраліся 4600 спартсменаў з усяго свету. Сярод іх восем грамадзян Расеі і трое беларусаў, якія выступяць пад нейтральным сцягам. Украінскія спартсмены заваявалі 60 ліцэнзій на ўдзел у Алімпійскіх гульнях у Парыжы наступным летам. Вядома, што кіраўнік Міністэрства моладзі і спорту Украіны Мацьвій Бідны асудзіў рашэнне Міжнароднага алімпійскага камітэту дапусціць асобных спартоўцаў з Расеі і Беларусі прыняць удзел у Алімпійскіх гульнях 2024 года ў нейтральным статусе, назваўшы гэта безадказным. Міністр спорту Украіны заявіў, што Украіна разгледзіць пытанне аб байкоце Алімпійскіх гульняў і заклікае іншыя краіны далучыцца да Украіны, калі Расея і Беларусь будуць дапушчаныя да ўдзелу. Міністр спорту Польшчы Каміль Бортнічук заявіў на мінулым тыдні, што да 40 краін могуць адмовіцца ад удзелу ў Алімпійскіх гульнях у Парыжы, калі Расеі і Беларусі будзе дазволена ўдзельнічаць у Алімпіядзе. Міністр спорту Эстоніі заявіў, што Эстонія разгледзіць магчымасць далучэння да Украіны і байкоту Алімпіяды-2024. Алімпійскі камітэт Чэхіі запатрабаваў ад Міжнароднага алімпійскага камітэта адхіліць расейскіх спартсменаў, але заявіў, што Чэхія не будзе байкатаваць Алімпійскія гульні незалежна ад рашэння аб забароне Расеі і Беларусі», – падсумоўвае міжнароднае выданне.
Агляд сусветнай прэсы пра Беларусь падрыхтавала Вольга Сямашка.
Беларускае Радыё Рацыя
