Агляд прэсы: Без абавязальніцтваў, але з гісторыяй
Пра палітвязняў у Беларусі і важнасць голасу кожнага. Вынікі візіту Зяленскага ў Аргентыну. Эрдаган у Афінах: спадзевы на мір? Падрабязнасці свежых матэрыялаў замежнай прэсы даведаемся ў аглядзе Вольгі Сямашкі.
Вядомая беларуская баскетбалістка Алена Леўчанка, якая летась скончыла кар’еру, а сёння працуе ў кампаніі Nike, напісала ў сваім інстаграм-акаўнце пост, прысвечаны Дню правоў человека, які трапіў у міжнародныя медыя, у тым ліку індыйскую газету The India Times.
«10-га снежня – афіцыйны Дзень правоў чалавека. Яго адзначаюць ва ўсім свеце. Але ў 2023 годзе ў свеце вельмі шмат краін, у якіх гэтага няма або іх не дазволена мець права. Беларусь – адзін з прыкладаў такіх краін. У Беларусі правоў чалавека не існуе, а такія простыя рэчы, як свабода меркаванняў і іх выказвання, цалкам разбураныя і аднятыя. Людзей саджаюць у турму толькі за тое, што яны выкарыстоўвалі свой голас, за альтэрнатыўнае меркаванне, лайк ці рэпост фатаграфіі ў Instagram. У беларускіх турмах сёння знаходзяцца толькі па прыкладных дадзеных каля 1500 палітвязняў. Гэтыя людзі не проста сядзяць у турме, іх увесь час падвяргаюць катаванням. Беларуская баскетбалістка Алена Леўчанка сама праз гэта прайшла», – піша індыйскае выданне.
У нядзелю прэзідэнт Украіны Уладзімір Зяленскі прыбыў з візітам у Буэнас-Айрэс з тым, каб прыняць удзел у інаўгурацыі ультраліберальнага прэзідэнта Аргенціны Хаўера Мілея. Там ён сустрэўся з венгерскім прэм’ер-міністрам Віктарам Орбанам, які зусім нядаўна паўтарыў сваю пагрозу накласці вета на далейшую дапамогу ЕЗ Украіне. Абедзве сустрэчы паслужылі падставай для дэбатаў сярод аглядальнікаў. Лісабонскі штотыднёвік Visão лічыць памылкай шукаць падтрымкі ў такога непрадказальнага і радыкальнага палітыка, як Мілей.
«Візіт у Аргенціну на інаўгурацыю Хаўера Мілея, ультрарадыкала, які нясе поўнае трызненне, зусім не спрыяе паляпшэнню іміджу Зяленскага на цяжкім этапе вайны з Расеяй. Зяленскі звярнуўся не па адрасе. І ён не ў самай лепшай форме. Украінскаму прэзідэнту, які, па ўсёй бачнасці, збянтэжаны, відавочна расчараваны і страшна стаміўся, зараз недазваляльна здзяйсняць катастрафічныя палітычныя памылкі, такія як гэты ваяж на іншую палову планеты дзеля таго, каб падтрымаць Мілея. Асабліва цяпер, калі рускія прасоўваюцца наперад», – піша партугальскае выданне.
У чацвер прэзідэнт Турцыі Эрдаган наведаў з візітам Грэцыю. Яшчэ год таму ў адносінах паміж дзвюма краінамі гучалі ўзяцца за зброю, аднак цяпер намецілася разрадка. Прэм’ер-міністр Грэцыі Міцотакіс і прэзідэнт Турцыі Эрдаган падпісалі сумесную дэкларацыю аб «добрасуседскіх адносінах». На старонках прэсы разгарнулася дыскусія пра тое, як усё будзе развівацца далей. Варшаўская газета Rzeczpospolita рэзюмуе:
«Эрдаган абвінаваціў Афіны ў тым, што Грэцыя заняла выспы ў Эгейскім моры. Канфлікт таксама тычыўся пагаднення па пытанні распрацоўкі радовішчаў газу ва Усходнім Міжземнамор’і і патоку бежанцаў з Турцыі. Цяпер нібыта ўсё будзе інакш. Эрдаган змяніў свой пункт гледжання – і стаў прытрымлівацца прымірыцельнай рыторыкі. У чацвер турэцкі ўладар нават падпісаў з Міцатакісам дэкларацыю «пра сяброўскія і добрасуседскія адносіны». Хоць гаворка не ідзе пра якую-небудзь абавязковую да выканання дамову, гэта – падзея сапраўды гістарычнага значэння. Яна можа стаць асновай для нармалізацыі адносін паміж дзвюма важнымі краінамі паўднёвага флангу НАТА».
Праз некалькі тыдняў пасля сваёй інаўгурацыі прэм’ер-міністр Славакіі Роберт Фіцо вырашыў, як і заяўляў пра гэта раней, скасаваць Спецыяльную пракуратуру па барацьбе з карупцыяй і арганізаванай злачыннасцю. Кіраўнік Спецыяльнай пракуратуры Даніэль Ліпшыц у 2018 годзе прадстаўляў у якасці адваката бацькоў журналіста Яна Куцыяка, які загінуў у выніку палітычнага забойства. З Бруселя рушыла ўслед папярэджанне; па ўсёй краіне праходзяць дэманстрацыі. Цюрыхская газета Tages-Anzeiger мяркуе, што Фіцо зусім відавочна спяшаецца.
«Барацьба з карупцыяй – гэта тое, што страшна замінае Роберту Фіцо. У рэшце рэшт, ён сам трапіў у поле зроку следчых органаў па пытанні аб стварэнні злачыннай групіроўкі. А зараз яшчэ пад следствам апынуліся дружкі па партыі, давераныя асобы і знаёмыя Фіцо. Але Фіцо зможа пакласці гэтаму канец, бо з кастрычніка ён зноў стаў прэм’ер-міністрам Славакіі. Ён хоча, каб толькі прынятае ім рашэнне аб стварэнні кабінета было зацверджана ў парламенце да Калядаў», – з гіроніяй падкрэслівае швейцарскае выданне.
Агляд сусветнай прэсы падрыхтавала Вольга Сямашка.
Беларускае Радыё Рацыя
