Дні славянскага пісьменства ў Бельску-Падляшскім
Гэта ініцыятыва арганізуецца тут упершыню. Штуршком для гэтай ідэі сталі падзеі 1496-га года, калі па замове Солтана Салтановіча ў Бельску быў створаны “Пралог”.
“Хутка споўніцца 520 гадоў з часу, калі паўстала самая старажытная захаваная бельская кніга на славянскай мове,” – кажа арганізатар мерапрыемства Дарафей Фіёнік:
– З такіх феноменаў і будуецца гісторыя. Трэба выцягваць такія яркія падзеі, якія даюць нам падставу разглядаць Бельск як цэнтр пісьменства. Гэта не пустыя словы. Тое, што зараз у нас творыць столькі паэтаў і пісьменнікаў, што ў Бельску людзі вельмі любяць чытаць кнігі – гэта тая традыцыя, якая захавалася праз сотні гадоў.
У часе мерапрыемства прайшоў адмысловы кніжны кірмаш. Прэзентавалася выстава пра бежанства, а таксама адбыліся канцэрты калектываў з Польшчы, Беларусі і Літвы. Галоўным арганізатарам выступіў Музей малой Бацькаўшчыны ў Студзіводах.
[Not a valid template]
Давід Гайко, Беларускае Радыё Рацыя
Фота аўтара
Глядзіце таксама
