Пра Уфу, куды беларусы не мараць патрапіць
Што вы ведаеце пра Уфу? Уфа – гэта сталіца Башкартастана. І гэта ўсё, што большасць узгадае. Аматары літаратуры прыгадаюць, што дысідэнт Сяргей Даўлатаў нарадзіўся ва Уфе. Ды яшчэ фанаты Земфіры могуць ведаць, што яна ўраджэнка гэтага горада. У любым выпадку Уфа – гэта не той горад, куды мараць патрапіць большасць беларусаў. Вільня, Беласток, Варшава, Кракаў – вось гарады, куды скіроўваліся беларусаў да пандэміі. Вільня, Беласток, Варшава, Кракаў – у гэтыя гарады імкнуцца беларусы, цяпер, калі дазволілі выязджаць з Беларусі. Уфа ў спіс прыярытэтных гарадоў не ўваходзіць. Аднак чаму я ўзгадала пра гэты горад? Ды таму што па беларускім тэлебачанні разважаюць, ці будзе прамое авіязлучэнне паміж Менскам і Уфой. Накірунак Уфы, канешне, вельмі цікавіць беларусаў, якія да пандэміі імкнуліся атрымаць шэнген і паехаць у Польшчу ці Літву. Такое адчуванне, што па ТВ гавораць пра тое, каб адкрыць танныя авіялініі ў Еўропу, а не пра пералёт ва Уфу.
Ды спытайце ў мінакоў на беларускіх вуліцах, ці хочуць яны ва Уфу. У лепшым выпадку падумаюць, што вы звар’яцелі з такімі пытаннямі. Што беларусу рабіць ва Уфе? Паглядзець на галоўную цікавостку горада – помнік савецкага скульптара Сасланбека Тавасіева, прысвечаны герою Башкартастана Салавату Юлаеву? Дык беларусы лепей паглядзяць на каралеўскі палац у Варшаве ці пагуляюць па сталіцы ВКЛ – Вільні. З большым задавальненнем беларусы ўспрынялі б, што можна лятаць у Еўропу. Аднак на беларускім ТВ разважаюць пра тое, ці адновяцца прамыя авіязлучэнні ва Уфу, бо ад гэтага залежыць турыстычны бізнэс. Толькі нешта слабавата ўяўляюцца тысячы беларускіх турыстаў, якія паляцяць ва Уфу.