Гузікі
Гузікі ад вайсковых мундзіраў і гетраў.
Іх знаходзяць гаспадары на гародах каля месца, дзе падчас вайны 1812 года Напалеон пераправіўся праз Беразіну ў вёсцы Студзёнка на Барысаўшчыне.
Гузікі даюць вельмі дзіўныя адчуванні, калі да іх дакранаешся.
Перабіраеш гузікі, сабраныя гаспадаром гарода, – тонкія, бязважкія, падобныя на чалавечыя пазногці.
Іх прадаюць па 5 беларускіх рублёў за штуку.
Адчуванне марнасці. Калі быў бы антываенны музей, то можна было бы туды.
Якую гістарычную каштоўнасць мае гузік з гарода? Гістарычны хлам, факт.
Толькі эмацыйную, антываенную. Каб так было, то нікому бы не хацелася „паўтарыць”
А якую каштоўнасць маюць чалавечыя косткі, знойдзеныя на месцы бітваў.
Каштоўнасці ніякай.
Гэта загубленыя жыцці.
Ехала ў Маскве з таксістам, усю дарогу мне тлумачыў, што ад вайны развіваецца навука, мастацтва, медыцына.
Кожнаму такому знаўцу здаецца, што на вайне забіваюць кагосьці іншага, не яго.