Караткевіч – Прарок у спякотным Менску
8 ліпеня 2021 года. Гаварылі ўчора са скульптарам Алесем Шатэрнікам пра Уладзіміра Караткевіча.
Алесь Шатэрнік сказаў:
„Караткевіч быў містыкам”.
Скульптар Шатэрнік распавёў гісторыю, як пабачыў Караткевіча летам 1983 года на лаўцы каля цяперашняга ўваходу ў метро Кастрычніцкая на скрыжаванні Энгельса і цяперашняга праспекту Незалежнасці.
Было горача.
Гарадская спякота.
Шатэрнік вельмі падрабязна распавёў дэталі:
“Караткевіч сядзеў на лаўцы і глядзеў, у неба на аблокі. Нос быў павертнуты ў бок Плошчы Перамогі. Валасы раскіданыя ў два бакі. Вочы шырока раскрытыя, ён глядзеў у Неба. Я зразумеў, што бачу Прарока і зрабіў эскіз. Выляпіў з пластыліна. Пасля, калі Пятро Драчоў распавядаў пра апошнюю вандроўку Караткевіча, я ўявіў яго ў такой паставе, як ён плыве ў чаўне, з вяслом, між чаратоў”.