Люда-блюда
Пішу кароткі ўспамін у дзень памяці Анатоля Сыса.
У меркаваны дзень яго смерці, а дакладны дзень смерці невядомы, бо памёр паэт у адзіноце.
Вясной 1997 года паэт Анатоль Сыс перадаў у Літаратурны музей Максіма Багдановіча вялікае парцалянавае блюда 19-га стагоддзя.
Менавіта перадаў, а не прадаў.
Паэт Анатоль Сыс сквапным не быў.
Была магчымасці прадаць, але не прадаў – падараваў.
Чаму не ўзяў грошы?
У той час Анатоль бываў у музеі.
У тым жа 1997 годзе была ў музеі Максіма Багдановіча паэтычная вечарына Сыса. А тады ўжо не надта ахвотна такія ладзілі, бо быў непрадказальны.
Прынёс Сыс у музей блюда.
Вяликае белае пашарпанае блюда з пяшчотнымі кветкамі ў аблямоўцы.
Супрацоўнікі музея разглядалі блюда на першым паверсе ў навукова-экспаізіцыйным аддзеле.
Узяла блюда ў рукі Люда Жалязняк, сакратарка музейная, якая цяпер у Беластоку жыве.
Анатоль Сыс паглядзеў на Люду Жалязняк і сказаў: „Люда-блюда!”