Паронкі
Паронкі. Ці ведаеце такое слова?
У чэрвені 2021 года ў Воршы на рынку пачула. І прадавец сказаў у інтэрнеце напісаць, каб людзі не забывалі такое слова.
Кантэкст такі – жанчына спытала:
„По чом паронкі?”.
Прадавец адказаў:
„Хорошо, што вы слово такое старое знаете, а то уже все забылі”.
Слова ён характарызаваў, як архаічнае, старое – з іншых часоў, а не паводле мовы руская-беларуская.
Што ж гэта за слова такое – паронкі?
Алена Сцяпанава (паэтка Танана) кажа:
“Паронкі – дробная бульба, якую”параць” (вараць з лушпіннем у чыгунку ці вялікім рондалі) для свінак. У вуснах пакупніцы гэтае слова было легкім здзекам. Маўляў, бульба ваша надта дробная”.
Андрэй Мельнікаў, бард, кажа:
“Малайчына прадавец. Скарыстаўся лепшым варыянтам рэагавання)” .
Але пакупніца як раз ужыла слова ў добрым сэнсе, дадала „Дылікатэс” і купіла.
Слова падалося мне падобным на нейкае замежнае, я перапытала:
“Што? Што? Паронкі?”
Цяпер так і бачу ў рэстаранным меню слова „паронкі” у значэнні дробнай смачнай бульбы.
Слова шматслойнае – у сырым выглядзе ўжо мае прыкметы гатаванай стравы.