Піяніст у аўтазаку
З допісу ў facebook Крысціны Вітушкі даведалася, што амапаўцы ламалі пальцы піяністу:
„Хачу ўбачыць, хто спіць з гаўном, якое ламала пальцы піяністу ў аўтазаку, зразумеўшы з яго мабільнага тэлефона, што ён музыкант”.
Хто быў гэты піяніст у аўтазаку?
Дзе ён цяпер?
Хто ведае?
У 70-ыя гады ў СССР у школах на ўроках ды на палітінфармацыях распавядалі пра хунвейбінаў, якія адмыслова падчас культурнай рэвалюцыі зламалі пальцы кітайскаму піяністу лаўрэату конкурса Пятра Чайкоўскага.
Крысціна Вітушка піша:
“Магчыма, праз адкрыты пост знойдзецца той хлопец, пра якога сын распавядаў. Але гэтая гісторыя не адзінкавая. Ведаю яшчэ адну падобную ад калегі – як круцілі пальцы канцэртмейстару Опернага тэатра, яго імя Ашот (магчыма, гэта адна і тая ж гісторыя, проста расказаная на розных этапах). Пасля гэтага Оперны стаў кожны дзень выходзіць на свае акцыі”.