110 тысяч свіней зарохкаюць на Слонімшчыне
На тэрыторыі Слонімскага раёна ў бліжэйшы час будзе пабудавана два свінагадоўчых комплексы на 55 тысяч галоў свіней кожны – разам 110 тысяч. Пра гэта на днях вялася размова ў Гарадзенскім аблвыканкаме, дзе старшыня Гарадзенскага аблвыканкама Уладзімір Краўцоў, старшыня Слонімскага райвыканкама Алег Таргонскі і прадстаўнікі беларуска-дацкай фірмы “БелДан” падпісалі сумеснае пагадненне аб будаўніцтве комплексаў на тэрыторыі Слонімскага раёна.
Свінагадоўчыя комплексы будуць пабудаваныя на тэрыторыі Новадзявяткавіцкага сельгаспрадпрыемства. На будаўніцтва аб’ектаў садзейнічаюць і слонімскія будаўнічыя, а таксама дарожныя арганізацыі. Яго праект каштуе 30 мільёнаў еўра. Падаткі ад дзейнасці суб’екта гаспадарання будуць паступаць у бюджэт Слонімскага раёна.
Барыс Баль, Беларускае Радыё Рацыя, Слонімскі раён.
