Агенцтва Moody’s палепшыла прагноз па суверэнным рэйтынгу Беларусі
Міжнароднае рэйтынгавае агенцтва Moody’s палепшыла прагноз па суверэнным рэйтынгу Беларусі, зацвердзіўшы яго на ўзроўні B3 (раней Caa1). Прагноз па рэйтынгу — стабільны.
Як адзначаецца ў паведамленні Moody’s, павышэнне рэйтынгу Беларусі да ўзроўню В3 абумоўлена, перш за ўсё, умацаваннем знешняй ліквіднасці краіны, хоць яна ўсё яшчэ застаецца слабай. На фоне аднаўлення эканомікі пасля двухгадовай рэцэсіі дэфіцыт бягучага плацежнага балансу скараціўся, празмерны рост дырэктыўнага крэдытавання і гарантый дзяржаўным банкам і прадпрыемствам быў стрыманы, указваюць аналітыкі.
Акрамя таго, урад атрымаў доўгатэрміновае фінансаванне, якое дапаможа як зменшыць рызыкі, звязаныя з яго значнымі патрэбамі ў валавых знешніх запазычаннях, так і пашырыць структуру пагашэння знешняга доўгу.
„Стабільны прагноз па рэйтынгах Беларусі В3 ураўнаважвае паляпшэнне эканамічных і фіскальных перспектыў краіны, а таксама дэманстраваную гатоўнасць выконваць свае фінансавыя абавязацельствы, з яе структурнай рызыкай знешняй уразлівасці і слабай інстытуцыянальнай развітасцю”, — гаворыцца ў паведамленні Moody’s.
Агенцтва Moody’s таксама палепшыла прагноз рэйтынгу валютнага доўгу Беларусі — з Caa1 да B3, мяжа рэйтынгаў абавязацельстваў і дэпазітаў у нацыянальнай валюце ўстаноўлена на ўзроўні B2 (было B3), мяжа рэйтынгу дэпазітаў у замежнай валюце — на ўзроўні Caa1 (было Caa2).
belapan.by
