Беларусь і Расея вырашылі ўсе пытанні па пастаўках нафты
Беларусь і Расея вырашылі ўсе пытанні па пастаўках нафты. Аб гэтым заявіў намеснік прэм’ер-міністра Беларусі Уладзімір Сямашка 20 снежня на сумесным пасяджэнні дзвюх палат беларускага парламента.
„Паўтара года, практычна ўвесь 2016 год і пачатак 2017 года, былі няпростыя перагаворы на нафтагазавым пытанні. Па нафце мы поўнасцю ўрэгулявалі нашы адносіны, атрымалі гарантыі па пастаўках 24 млн т нафты штогод. Адхіленні могуць быць плюс-мінус 2 працэнты, а гэта каля 480 тыс. т з 24 млн т”, – адзначыў Уладзімір Сямашка.
Таксама, паводле яго слоў, вырашана пытанне з абавязковай пастаўкай у Расею бензіну, што было нявыгадна для беларускага боку.
„Мы вырашылі ўсе пытанні па нафце. Гэта дасць магчымасць поўнасцю загрузіць беларускія НПЗ нафтай і забяспечыць іх нармальную работу”, – падагульніў Уладзімір Сямашка.
