Беларусь на другім месцы ў рэйтынгу бяднейшых краін Еўропы
Швейцарскі банк Credit Suisse апублікаваў вынікі даследавання адносна дабрабыту жыхароў еўрапейскага кантынента. У банку параўналі „дабрабыт”, сярэднестатыстычнага дарослага жыхара кожнай еўрапейскай краіны, адштурхоўваючыся ад рэальных індывідуальных паказчыкаў даходаў насельніцтва. Паводле азначэння Credit Suisse, дабрабыт – гэта сума ўсіх фінансавых і нефінансавых актываў „мінус” даўгавыя абавязацельствы.
У выніку цалкам ашаламляльны вынік па гэтаму крытэру прадэманстравала Швейцарыя, дзе сярэдняе багацце дарослага жыхара ацэньваецца ў 576 тысяч даляраў. Сціплей паказчыкі ў Ісландыі, Нарвегіі, Вялікабрытаніі, Швецыі і Люксембурга – разам са Швейцарыяй яны сталі адзінымі еўрапейскімі краінамі з узроўнем дабрабыту вышэй эквівалента ў 300 тыс. даляраў.
Украіна апынулася ў дыяметральна процілеглым канцы спісу, заняўшы апошні радок з паказчыкам дастатку насельніцтва ў бездапаможных (асабліва на фоне Швейцарыі) 1437 даляраў. Трохі лепш сітуацыя выглядае ў Беларусі – 1551 даляр, а трэцяе месца з канца з даволі вялікім адрывам ад „дна” займае Малдова – 3104 даляра на чалавека.
Гэтыя тры постсавецкія краіны ў Credit Suisse характарызуюць як „бедныя”. Праўда, у банку ўдакладняюць, што пры правядзенні даследавання ім давялося працаваць з не вельмі якаснымі дадзенымі па краінах з Усходняй Еўропы, з-за чаго абсалютныя лічбы дастатку іх жыхароў могуць быць недакладнымі.
Паводле minfin.com.ua
