Беларусь просіць у Масквы 2,5 мільярды даляраў
Менск просіць Маскву аказаць фінансавую падтрымку на 2015 год у памеры двух з паловай мільярдаў даляраў. Пра гэта паведамляе партал TUT.by са спасылкай на інфармаваныя крыніцы.
На выходных Аляксандр Лукашэнка і Уладзімір Пуцін сустрэліся ў Сочы і абмеркавалі пытанні развіцця інтэграцыйных працэсаў.
„Разглядаецца магчымасць розных формаў дапамогі з боку расейскага ўрада. Гэта могуць быць як крэдыты ад урада Расеі, так і буйных расейскіх дзяржбанкаў”, – распавёў суразмоўца. „Плюс да ўсяго беларускія прадпрыемствы могуць атрымаць істотныя прывілеі па доступе на расейскі рынак”, – дадаў ён.
Па дадзеных газеты „Беларусы і рынак”, гаворка ідзе пра доўгія і кароткія грошы, агульная заяўленая сума перавышае 2 мільярды даляраў.
Крыніца паведаміла, што цяпер урад Беларусі рыхтуе праграму сумесных з Расеяй антыкрызісных мераў па пераадоленні праблем у эканоміцы.
Беларускае Радыё Рацыя
Фота point.ru
Глядзіце таксама
