Беларусам абяцаюць да канца года падвысіць пенсіі
Падвышэнне працоўных пенсіяў у Беларусі адбудзецца да канца 2016 года, паведаміў намеснік міністра працы і сацыяльнай абароны Валерый Кавалькоў падчас анлайн-канферэнцыі на сайце міністэрства.
Пераразлік працоўных пенсіяў з улікам росту сярэдняй заработнай платы работнікаў у рэспубліцы будзе праведзены ў межах сродкаў дзяржаўнага пазабюджэтнага фонду сацыяльнай абароны насельніцтва, адзначыў Кавалькоў.
Паводле звестак Белстата, сярэдні памер пенсіяў па ўзросце ў Беларусі ў ліпені 2016 года склаў 291,2 рубля.
Апошні раз пенсіі падвышаліся напярэдадні прэзідэнцкіх выбараў – 1 верасня 2015 года (на 5 %).
Беларускае Радыё Рацыя
