Беларусам дапамогуць весці бізнэс у інтэрнэце
У Гародні 16 лістапада прайшла бізнес-гульня «Куфарызацыя», закліканая садзейнічаць развіццю лічбавай эканомікі ў Беларусі. Прадпрымальнікі бясплатна атрымалі гайд па вядзенні бізнесу анлайн і кансультацыі ад прадстаўнікоў падатковай і юрыстаў, а фіналісты – яшчэ і круглую суму на развіццё сваёй справы ў інтэрнэце. Праект рэалізуе пляцоўка аб’яў «Куфар» пры падтрымцы Міністэрства па падатках і зборах і Міністэрства эканомікі.
Мерапрыемства наведала каля 70 прадпрымальнікаў. Пасля серыі лекцый, майстар-класаў і падатковых кансультацый яны змагаліся ў «бітве інтэлектаў», каб у гульнявой форме замацаваць атрыманыя веды. Камандам па 5-6 чалавек за кароткі час прапанавалі адказаць на 35 пытанняў пра бізнэс, рэкламу і беларускія законы. Менш за ўсё цяжкасцяў выклікалі загадкі пра інтэрнэт-тэхналогіі, а самымі складанымі сталі пытанні пра падаткі.
Праект «Куфарызацыя» адкрыў у краіне новы фармат падтрымкі малога бізнэсу. У яго аснове – тэхналогіі гейміфікацыі і рэальныя прыклады сучасных бізнес-стратэгій. Трэнінг дапаўняе бізнес-гульня – квіз, распрацаваны «МазгаБойняй» і «Куфар». У гульнявой форме прадпрымальнікам дапамагаюць разабрацца з тым, як развіваць свой бізнес ва ўмовах лічбавай эканомікі.
«Ва ўсім свеце, у тым ліку і ў Беларусі, паскорана развіваюцца інтэрнэт-гандаль і электронная камерцыя. Невыпадкова і мы як пляцоўка аб’яў, якой карыстаецца кожны пяты беларус, развіваем онлайн-вітрыны для прадпрымальнікаў, – распавядае начальнік упраўлення камерцыі і маркетынгу пляцоўкі «Куфар» Ілля Жукавец. – Праект «Куфарызацыя» у гульнявой форме паказвае прадстаўнікам малога і сярэдняга бізнесу сучасныя спосабы пашырэння тавараў і паслуг. Гародня не выпадкова стаў першым рэгіянальным цэнтрам, у якім прайшла бізнэс-гульня. Пасля сталіцы менавіта Гародня і Берасце з’яўляюцца лідэрамі як па колькасці зарэгістраваных юрыдычных асоб на пляцоўцы, так і па ліку падаваемых імі аб’яў».
Пераход бізнэсу ў онлайн стаў ўсеагульнай тэндэнцыяй, якая пранікае ва ўсе сегменты рынку. «Каб паспяхова развіваць сваю справу ў рэгіёне, трэба ўлічваць некалькі нюансаў. Перш за ўсё, варта зразумець, у чым заключаецца каштоўнасць вашых тавараў і паслуг для спажыўцоў. Па-другое, трэба знайсці спосаб вылучыцца на фоне канкурэнтаў. Па-трэцяе, трэба выбудаваць патрэбныя каналы камунікацыі, надаючы дастатковую ўвагу якасці кантэнту. Зразумела, што працаваць праз буйную пляцоўку пачаткоўцу часцяком выгадней, чым ствараць уласны інтэрнэт-магазін », – лічыць партнёр бізнес-школы ІПМ ў Гародні Ірына Другамілава.
Прадпрымальнікаў у рэгіёне таксама хвалююць пытанні аб падатках у інтэрнэце – удзельнікі мерапрыемства сталі ў чаргу па кансультацыю спецыяліста Міністэрства па падатках і зборах. «Вельмі часта людзі парушаюць падатковае заканадаўства не мэтанакіравана, а па няведанні. Таму мы і імкнемся як мага часцей сустракацца з прадстаўнікамі малога і сярэдняга бізнесу, дапамагаць, растлумачваць, падказваць. І «Куфарызацыя» – адно з такіх мерапрыемстваў. Пры гэтым важна, што прадпрымальнікі самі цікавяцца зменамі ў заканадаўстве », – тлумачыць загадчыца сектара ўскоснага падаткаабкладання МПЗ па Гарадзенскай вобласці Таццяна Дэмбоўская.
Каманда пераможцаў атрымала 20 тыс. куфаў на пашырэнне свайго бізнесу ў інтэрнэце. Такой сумы хопіць на тое, каб размяшчаць тавары на «Куфар» на працягу года. Адна з фіналістаў – арганізатар дзіцячых святаў Юлія – збіраецца выкарыстоўваць выйгрыш на прыцягненне новых кліентаў. «Калі я толькі пачынала, працавала сарафаннае радыё. Зараз жа ўсё сыходзіць у онлайн, таму што людзі шукаюць тавары і паслугі ў сетцы. Трэба спрабаваць і ўкараняць нешта новае», – перакананая яна.
Пасля Гародні праект «Куфарызацыя» працягне сваё турнэ па краіне. У Гомелі бізнэс-гульня адбудзецца 30 лістапада, пасля чаго пераедзе ў Магілёў і Берасце.
Даведка
«Куфарызацыя» – праект, створаны найбуйнейшай у Беларусі (па даных незалежнага даследавання Gemius) пляцоўкай аб’яў «Куфар» і інтэлектуальным квізам «МазгаБойня», у які гуляюць у 12 краінах свету. Ініцыятыву падтрымліваюць Міністэрства эканомікі і Міністэрства па падатках і зборах. Мэта праекта – дапамагчы развіццю сегмента малога і сярэдняга бізнесу Беларусі, даць беларускім прадпрымальнікам падказкі пра тое, як пачаць развіваць свой бізнэс у анлайне.
Камунікацыйнае агенцтва АГТ-Медыя
