Беларуска-кітайскі бізнес-форум пройдзе 27 верасня ў Магілёве
Беларуска-кітайскі бізнес-форум „Адзін пояс – адзін шлях: Магілёўская вобласць і правінцыя Цзянсу разам у будучыню” пройдзе 27 верасня ў Магілёве, паведамілі ў камітэце эканомікі Магілёўскага аблвыканкама.
У праграме запланаваны сустрэчы на ўзроўні кіраўніцтва Магілёўскай вобласці і дзелавых колаў двух рэгіёнаў, прэзентацыі, перамовы ў фармаце В2В, падпісанне шэрагу дакументаў аб супрацоўніцтве. Кітайскія госці таксама азнаёмяцца з працай шэрагу прамысловых прадпрыемстваў Магілёва, наведаюць мемарыяльны комплекс „Буйніцкае поле”.
Кітайскаму боку прадставіць дэлегацыя правінцыі Цзянсу на чале з губернатарам У Чжэнлунам. У яе склад увойдуць супрацоўнікі Народнага ўрада, кіраўнікі буйных карпарацый і прадстаўнікі дзелавых колаў.
Цзянсу – усходняя правінцыя Кітайскай Народнай Рэспублікі, размешчаная на ўзбярэжжы Жоўтага мора. Займае вядучыя пазіцыі па эканамічным развіцці, выпуску аграрнай і індустрыяльнай прадукцыі, а таксама па ўзроўні жыцця насельніцтва, колькасць якога перавышае 78 млн чалавек. Адміністрацыйны цэнтр – горад Нанкін, які некалькі разоў на працягу гісторыі станавіўся сталіцай Кітая.
