Беларускія страхоўшчыкі павялічылі зборы ўзносаў
За студзень—красавік 2021 года ўзносы страхавых арганізацый Беларусі склалі 600,5 млн рублёў. Рост у параўнанні з аналагічным перыядам 2020 года склаў 19,7%, паведамляе Міністэрства фінансаў.
Па добраахвотных відах страхавання ўзносы за студзень—красавік склалі 414,8 млн рублёў, што на 85,5 млн больш, чым за аналагічны перыяд 2020 года.
Страхавыя ўзносы па абавязковых відах страхавання выраслі на 13,1 млн рублёў і дасягнулі 185,7 млн.
Удзельная вага ўзносаў па добраахвотных відах страхавання ў агульнай суме страхавых узносаў складае 69,1% (за студзень—красавік 2020 года — 65,6%).
За чатыры месяцы 2021 года выплаты страхавой кампенсацыі і страхавога забеспячэння ў цэлым па Беларусі склалі 336,1 млн рублёў, што на 78,4 млн больш, чым за аналагічны перыяд 2020 года. Узровень страхавых выплат у агульнай суме страхавых узносаў склаў 56,0% (за студзень—красавік 2020 года — 51,3%).
За студзень—красавік 2021 года страхавымі арганізацыямі пералічана ў бюджэт і пазабюджэтныя фонды 72,5 млн рублёў (за студзень—красавік 2020-га — 53,0 млн рублёў), з іх 49,4 млн — падаткі і непадатковыя плацяжы ў бюджэт, 23,1 млн — плацяжы ў пазабюджэтныя фонды (за студзень—красавік 2020 года — 29,3 млн і 23,7 млн адпаведна).
Колькасць работнікаў страхавых арганізацый на 1 красавіка склала 8.804 (на 1 красавіка 2020-га — 8.909).
