У Белаазёрску ліквідуюць фабрыку «Белкельме»
У Белаазёрску ліквідуюць фабрыку спартовага абутку «Белкельме». Пададзена заява самім прадпрыемствам –даўжніком ў Эканамічны суд Берасцейскай вобласці аб прызнанні “Белкельме” банкрутам.
Рабочыя пасля звальнення з “Белкельме” уладкаваны на абутковае прадпрыемства “Вердымар”. Яго арганізаваў віцебскі холдынг “Марко”, кажа адна са старэйшых работніц “Белкельме”:
– „Белкельме” засталася толькі гандлёвая марка. Працягваюць працаваць толькі работнікі крамаў, адзін чалавек на складзе, не ведаю, хто застаўся з кіраўніцтва. Амаль усе рабочыя перайшлі на “Вердымар”.
Беларуска-іспанская фабрыка па вытворчасці спартовага абутку адкрылася ў 1995 годзе. Яе заснавальнікам стаў Нацыянальны алімпійскі камітэт Беларусі, іспанкая кампанія Kelme International і Бабруйскі скураны камбінат.
Беларускае Радыё Рацыя
