Берасцейскія прадпрымальнікі не спяшаюцца вяртацца да працы
Толькі дзесяць прадстаўнікоў малога бізнесу з некалькіх сотняў гандлююць на рынку ЦУМ у Берасці. Пытанне з іх лёсам так і не было вырашана да 25 студзеня. Далейшай стратэгіі: вяртацца да працы і шукаць сертыфікаты, ладзіць акцыі пратэсту або шукаць іншы занятак, — пакуль не існуе, — распавялі прадпрымальнікі:
— У такім становішчы, як цяпер, прадпрымальнікі яшчэ ніколі не былі.
— Я мяркую, што цяпер у нашай краіне няма куды ісці працаваць, асабліва тым, хто працаваў прадпрымальнікамі на рынку. У выніку, прадпрымальнікі ўсё ж сядуць і будуць шукаць тавары з дакументамі.
— Пакупнікоў няма. Калі б рынак працаваў хоць на 50 % тады б людзі хадзілі, а на рынку працуюць дзесяць чалавек. Адпаведна людзі не прыходзяць і нічога не купляюць. Закрывацца і ўсё. Ніхто ж не будзе стаяць проста так. Няма сэнсу.
Прадпрымальнікі, якія працягнулі гандляваць з сертыфікатамі на рынку, упэўненыя, што іншыя таксама вернуцца да працы, але праз нейкі час, калі знойдуць механізм атрымання неабходных дакументаў або пяройдуць на продаж беларускіх тавараў.
Беларускае Радыё Рацыя, Берасце
Глядзіце таксама
