БМЗ узначальвае спіс стратных прадпрыемстваў Гомельшчыны
Найбольш стратным прадпрыемствам на Гомельшчыне за 2014 год стаў „Беларускі металургічны завод”. Агульная сума стратаў прамысловага гіганту склала амаль 649 мільярдаў беларускіх рублёў.
Паводле эксперта ўстановы „Стратэгічная думка” Аляксея Харкевіча, беларуская металургія стала ахвярай неспрыяльнай кан’юнктуры на сусветным рынку.
– Гэта звязана з агульнай сітуацыяй на рынку сталі. Знізіліся аб’ёмы попыту на еўрапейскім рынку у сувязі з нядаўнім крызісам. І магутнасці еўрапейскіх прадпрыемстваў сталі залішнімі, таму гэта вельмі негатыўна адбілася на беларускай металургіі.
Самым прыбытковым сектарам эканомікі Гомельскай вобласці сталі прадпрыемствы нафтаперапрацоўчай галіны. Так, прыбытак Мазырскага нафтаперапрацоўчага заводу перавысіў 4 трыльёны беларускіх рублёў.
Беларускае Радыё Рацыя, Гомель
Фота govorim.by
Глядзіце таксама
